منتدى أسرة الدفعة 26 اقتصاد

منتدى لطلاب وطالبات الدفعة 26 اقتصاد بمجمع النشيشيبة ، جامعة الجزيرة ، ولكل طلاب وطالبات وأصدقاء الدفعة 26
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

هي مازي المطر بتقيف ولازي البروق تطلع

يهنئ المنتدى الدفعة 30 اقتصاد بمناسبة التخريج ألف ألف مبارك


شاطر | 
 

 زحــــــــــــــزحة

اذهب الى الأسفل 
كاتب الموضوعرسالة
ناجي الطيب
مرشح للإشراف والمراقبة
مرشح للإشراف والمراقبة
avatar


عدد المساهمات : 79
تاريخ التسجيل : 20/08/2009
العمر : 33
الموقع : أربجــــــــــــــــــــــــــــي

مُساهمةموضوع: زحــــــــــــــزحة   الثلاثاء ديسمبر 27, 2011 4:48 pm


بت من ورق

هوي يا الحبيب أحسن عيونك فتحن .....
ونفض غبار الجامعات الكتحن ...
عبرات هواي لو سدسدن حلقك دحين لي زول سواي ما تنحنحن ..
وأنا أصلي عارفك ما بتحن ..
وتجرحن .. .. ليه العوينات البريدنك تخونن
.. تفضحن ..ليه بالدموع والنوح مع الناس
... طالباتنا يسمحن ..وأنا ديمة بسأل ربي إنو
.. ويفرحن ..وبالخير تملي يصبحن .. يسمحن
.. يصلحن ..ولو في مشيهن لكلكة
.. وتمتحن ..هو شنو الفضل في الدنيا شان الناس تذاكر
بس نبرى من عيشة الفقر ..
.. وكمان سمح الصبر ..وسمح السكات الفي خشم سيدو
.. وأساتذة خصيصين نجاح ..مادام في مدرسة مدرسة
.. ودرس عصر ..وحصص صباح
حندق جرس أخر فصل أو ننفصل نتلم نشوف باقي العمر.. حنسوي ايه
..واضحة كان هسي وأمس ..ماواضحة زي عين الشمس
.. من غنوتي الأنا مدمنة ..و أصلي مارق ياضنى
من بلوتي وسلواي أنا ..
من قصة لا بتأكلنا عيش لا تفر جبين هذا العناء ..
..متمكنة من ممكنة وما ممكنة .. من شدة فاردة الإرتخا
وايه لزوم يعني القصيد وكتين تموت العاطفة ..
... وحروفو ذاتا نلونا ..وكتين نعتم فكرتو
.. وندس عيونو وندفنا ..وكتين نقدقد مهجتو
.. الماعرف معناهو لا شيتا عنى..ايه لزوم يعني الشعر
وأبقى مارق ياجنى كان من هناك أو من هنا كان منهم أو مننا
.... من مزامير التوجس والغناء من صباحات الهواجس ومن طوابير المدارس..
.. وأمرق من متاهات النفس ومن مروق الروح ماواضحة زي عين الشمس ..
.. والشوارع ..واضحة في كل الجرايد والقصائد والمعـابد والمصانع
.. ولما دون خاطر يمر ..لما دون نشعر نحس
وكلامو مقدود من دبر ... واضحة إنو سكاتو مقدود من دبر .. ..
وضميرو مقدود من دبر.. وقميصو مقدود من دبر ..
لكن منو البشهد عليك يابت مادام كلك عذر ؟؟؟؟
ومن بشرة الناس .. يابت مادام عرفوك جد بتخافي من ضل الضحى
(1)
السمر ..
.. ..يوسفنا أسود مننا ومحنية ضهرو من الكبر ..يؤسفنا جداً إننا
وعرفوك جد بتخافي من ضل الضحى .. ومن ضحكة الناس السمر ..
عرفوك .. بس هم ماأظن فهمو العيون السمحة فيك كانت شتر ..
ويسلم ضراع الطين .. وقدح المونة ..
جيت أمونة حر الواطة وادٌٌٌة صحونا
للولد البشيل طوريتو سباق الفجر ..
وتضيع سنين العمر ليه في المدرسة .. المدرسة المابتجبر الخاطر إذن ..
المدرسة المابتستر الحال ..ما بتملانا فد شوال تمر ..
ياخ ايه لزوم يعني الدفاتر والمحابر والشنط والأردية
والدق ودرس اليوم وحلق الراس وقليم الضفر..
ايييييييك يا سنين المدرسة .. فتينا ليه يامدرسة ..
دي الجامعة لسع فيها ناس بتحب بعض .. وتلبس بعض .. وتاكل بعض ..
وتقوم بعض وتقعد بعض و........ منو العوض و ليهو العوض ..
ناس تجمع ورق فاضي وتمر .. تنجح فشل .. تسرق حصاد غيرا وتمر ..
وكتير في ناس بتفط سطر..
ياشعب أصحى كفاك شقى .. وكفاك خطاك على الجمر ..
لمتين حنحلم بالغناء .. لمتين نعدي من الضياع والفرقة والحرقة ونمر ..
وسمح السكات الفي خشم سيدو .. وكمان سمح الصبر ..
والدنيا مازالت بخير ... والدنيا مازالت فقر..
وأنا زي دراويش العشق .. ماسقتا خطوات الرحيل ..
لكن مشيتا وبالجبر ..لكن مشيتا وفوق جمر ..
وحبيبتي قالت لي تعال ..تعال
ومرقت من جلدي القديم .. ودرعت توب الصبينة .. ومشيتلها ..وانا منتشي
سنتين ولا قعدت عيوني مع عيونها اتونست ..لا في الخيال لاقيتا .. لالاقتني هي ..
سنتين ولا باينالنا سكة ولا خطانا بتنتهي ..
سنتين ورغم الإبتعاد والعشنا من خوف وارتعاد
لسع سعاد هي بتستحي...... وأنا بشتهي وأنا بستحي ....وهي بتشتهي ..
ومابين نعم واللقيا كان حرفين نهي ..
وانا خاطري من كتر الهموم الساعة خمسة نسى .. وسهي
وفي الهم غرق .. وبالشوق حرق وحبيبتي قالت لي تعال ..
خافت وكت قتليها شيخ ..
(2)
مسكينة ماعارفة الفرق بين الدراويش والشيوخ ...
بين الصفيقات والعرق.... بين الغرق والماغرق ..
تاريها زينا يا خلق طينة ومطينة بالعشق ... ومقتولة لى حد السكات ..ومتيمة
بس كنت ديمة بعلما إنو الحزن زاد الفرح .. والفرحة نفسها مؤلمة ..
والعافية أسمح منها ..لو حتى كانت بلسما ..
والشمس في توب من حلال .. والقمرة أكبر مجرمة وكضابة مابتحلب لبن ..
مليانة زيف ومهضلمة وممسوخة .. مهما اتبرجت مازي مصابيح السما ..
والقدرة ما بتنفات شبر .. والسترة ميها الكمكمة ..
والناس سواسية كالمشط .. والحرة دينها ملجما
والحلوة مي حلوة طعم .. والمرة ربنا قاسما ..
والقسمة مابالأيد كمان ... الأيد هي زاتها مقسمة ..
أصبع صغير.. واصبع كبير..واصبع وسط .. واصبع نضم .. واصبع بدخل خاتما ..
وتفرق بداية الشوق كتير وكتين تصل للخاتما ..
ما الريدة بتشوف بي تحت .. والحب موشح بالعمى ..
وما بفهم النور الإ زول عاش في دياجر مظلمة ..
النجمة مابتعني الوضوح .. العتمة ميها الهضلمة ..
الوشمة مانسمة جروح .. والبسمة عز للبفهما ..
والنسمة في الصيف لو تفوح تحرق حشى البتنسما..
والوجعة باااااردة على الببوح .. وتسل رويحة البكتما ..
والروح بتمرق مابتموت ..والجدة بتقيم مأتما ..
واحنا انعكاسات للنجوم .. والواطة ضل راميه السماء..
وأنا ما رميت إذا رميت وأي عاشق مارمى
ضحك المشيب برأسه فبكى و نادى سلما ..
و سمت بغاث الطير حين كبا حزيناً مرغما ..


بت من ورق (2)


وريتا معنى القارعة وعقرو ودمدم عليهم ربهم .
حفظتها الناس والفلق والحمد والإخلاص وطه ولم يكن والعاديات وكأنما ..ماكان في شي ..
وبعد ده كلو بتنتشي .. لا بتستحي ولا بتختشي ..
وقرمت كرعي بالمشي .. وكلمتها قتليها أوع تدقشي ..
الطيبة مافي كل شي وما تهبشي ..

(3)
الجوه خليو جوه فيك والمابخش ماتخششي ..
ودمع الظنون البيني بينك قشقشي .. والشوق على باب البريدك وشوشي ..
ونار النضال جنب الشمس ماتمشي فيها روحي هوي بتشمشي ..
وكان جاك خريف الوجعة سويلك بيوت في داخلي ابني وعشعشي ..
و أديني احساس إني شي ..
وقرمت كرعي بالمشي .. وكلمتها ..
خلي بالك يا بنية .. العمارات البناطحن والمعاني القرمزية ...
أوع تسرق من ملامحك أو تغير فيك شوية ..
ماني شايل هم قرايتك إتي قراية .. وذكية ..
أبقي جد ياحلوة فاهمة وأبقي واعية وكوني حية ..
أصلو في الجامعة العريضة .. وفي بيوت الداخلية ..
في الحبايب .. وفي القرايب .. وفي البقاسموك الأسية ..
الإ برضو خلي بالك .. هي المصايب مي شوية ..
العقارب والكهارب و الدبايب والمصايب .. وألف سوسة وألف حية ..
وإتي سمحة ..إتي قمحة ولسه نية ...
ولو دقستي أسأليني أنا الدقستا وأكلوني السمسمية ..
في زمنا وحات عيونك بدفنوك يازولة حية ..
أبقي واظبة على صلاتك .. قومي كل ما نادى حيا ..
وخلي بالك في الشوارع .. والمسافات القصية ..
وفي مشاوير العصاري .. وإنت ساعة المغربية
في الحدائق والكباري والملاهي الأجنبية ..
والوليدات الأخيرلك من تصاحبيهم بنية ..
والبنيات البظلطن وشهن..والبتعمل فيها شيخة أو تقول شايفالا طيه
وفي القراية سجم رمادن .. أبقي مارقة وناغمي ليا ..
مرة تلقى الضمة شدة .. ومرة تلقى الشدة مدة ... وعادي تلقى الخمسة مية ..
واسمع ... اسمع ..
أوع تسمعي للبغنن ..في البغنن
الله ليا .. و كر عليا ... وجيبو ليا .. و سـو...... عاد ده كلام ؟؟
ونحن يا حليلنا الغلابة .. يلعبنبنا كر عليا ..
ودايرة بيرقر .. ودايرة شية ..

....................



بت من ورق (2)

الإ برضو خلي بالك .. هي المصايب مي شوية ..
(4)
العقارب والكهارب و الدبايب والمصايب .. وألف سوسة وألف حية ..
وإتي سمحة ..إتي قمحة ولسه نية ...
ولو دقستي أسأليني أنا الدقستا وأكلوني السمسمية ..
في زمنا وحات عيونك بدفنوك يازولة حية ..
أبقي واظبة على صلاتك .. قومي كل ما نادى حيا ..
وخلي بالك في الشوارع .. والمسافات القصية ..
وفي مشاوير العصاري .. وإنت ساعة المغربية
في الحدائق والكباري والملاهي الأجنبية ..
والوليدات الأخيرلك من تصاحبيهم بنية ..
والبنيات البظلطن وشهن..والبتعمل فيها شيخة أو تقول شايفالا طيه
وفي القراية سجم رمادن .. أبقي مارقة وناغمي ليا ..
مرة تلقى الضمة شدة .. ومرة تلقى الشدة مدة ... وعادي تلقى الخمسة مية ..
....................
بت من ورق (3)
.........

وفي النهاية القصة فكة .. دي الحضارة الديــنـا فكا .. ولاحقة حبوبة أمي مكة ..
وعاملة فيها رشيقة حية .. ومهما نصرخ هيا هيا ..
في البتنسى أبوها يقدح .. في ضني أيامو الشقية ..
عشان هي تقرا .. وبكرة تنجح .. وتحيا مستورة ورضية ..
وفي الحليل أماتن يبكن بوراهن ووب و حيا
الإ هن سجم المحنة حليل زمنكن يارضية ..
لا فؤادكن مرة حن .. ولا طرن بالمرة جيا
الشفايف مي شفايف .. والشعر سوونلو كية ..
و يدن الإسكيرت شرطة.. وتاني فوق الركبة طية ..
ويمرقن ......... أحسن أسكت ....... أحسن أسكت ..

شدي حيلك يا بنية .........

شدي حيلك يا بنية .....

شدي حيلك يا بنية .....

(5)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عمر سعيد اب شنب
مرشح للإشراف والمراقبة
مرشح للإشراف والمراقبة
avatar

عدد المساهمات : 80
تاريخ التسجيل : 05/11/2009
العمر : 34
الموقع : المملكة العربية السعوديةــ المدينة المنورة ــ

مُساهمةموضوع: رد: زحــــــــــــــزحة   السبت فبراير 11, 2012 5:31 pm

شكراً كتير الحبيب ناجي على هذا الإنتقاء الجميل ولقد نبشت في داخلي ذكريات يوم الثلاثاء ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زحــــــــــــــزحة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أسرة الدفعة 26 اقتصاد :: المنتدى العام-
انتقل الى: