منتدى أسرة الدفعة 26 اقتصاد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى أسرة الدفعة 26 اقتصاد

منتدى لطلاب وطالبات الدفعة 26 اقتصاد بمجمع النشيشيبة ، جامعة الجزيرة ، ولكل طلاب وطالبات وأصدقاء الدفعة 26
 
الرئيسيةأحدث الصورالتسجيلدخول

هي مازي المطر بتقيف ولازي البروق تطلع

يهنئ المنتدى الدفعة 30 اقتصاد بمناسبة التخريج ألف ألف مبارك


 

 الطمبـــــــــارة والغنـــــاى

اذهب الى الأسفل 
كاتب الموضوعرسالة
ناجي الطيب
مرشح للإشراف والمراقبة
مرشح للإشراف والمراقبة
ناجي الطيب


الطمبـــــــــارة والغنـــــاى Fb3d4910
عدد المساهمات : 79
تاريخ التسجيل : 20/08/2009
العمر : 39
الموقع : أربجــــــــــــــــــــــــــــي

الطمبـــــــــارة والغنـــــاى Empty
مُساهمةموضوع: الطمبـــــــــارة والغنـــــاى   الطمبـــــــــارة والغنـــــاى Emptyالثلاثاء ديسمبر 27, 2011 4:39 pm




الطمبارة والغناي
نحن اهل الفرحة جينا
لا المدامع وقفتنا ولا الحكايات الحزينة
الرايحة جابنا لما درب
في هذي المدينة
يا ولدي الدروب شقاقة بحر التيه
دربين ليك درب ولا
مساك الدروب ضهاب
ليك قلب ولا بالين
سواي القلوب كضاب
ليك ضهر ولا سرجين
ركاب السروج وقاع
شق يا ولدي بحر التيه
بتدردر وتتودر
ولمن يوم على تايتنا ديك ترسى
نعزك بالقبيل داخرنو ليك
الشوق بحر يا ولدي بحرك تية
قتليك العليك
ادرابو لا تنغش
ولا ترضابو لا تنغش
في الزمن الذميم والكي
يسوقو خلاف
عشان الني
عليك الدور وتصريف الليالي بدور
شلنا من الهم تشيل ما
ولمن دمعة ترمى الدمعة فوق دربك
روح يابا وابقى قفاك لاتعاين
ولاتعاين على موطاك
ولا تندم على خطوا تملى مشيتو لي قدام
وابقى العاتي زي سنطتنا
زي صبرا نلوك فوق مرو زي الزاد
لا شيتا نزل في الجوف
ولابرجع ولا بنزاد
اركز للبجيبها الريح تقيف انت
ويشيلها الريح
وابقي العاتي و الدرب الوراك مسدود
شيل شيلتك بقيت للنص لا حلما يجيب البر
ولا حدوت
انبليتا اختا الرملة ما تقع المكان الهش
دي الممطورة ما بتبالي من الرش
النعمة بتعرف عاطيها و الجمرة بتحرق واطيها
بالكيله عاطنا و ما لقينا فوق جمر خطانا و مالقينا
في يوم الوعد
يا حليوة فيك الدنيا ما كانت شروق
إلا الارض متكشفة ومتبلمة
مع انو من خير الخريف لافحالها شال
و الفرحة خضرة فرحة دوب
تتشابي لي عين الشمس
و البت حليوة اللابسة بيضا
بيضا كذا الحليب
و الروح مشتحتفة في البلود الفيها ريحتك
للبعود من فزعة الغربة البساسق فوقها
مو راجع ولا بلحيل قريب
الروح مشحتفة في الحبيب
القلب بكر
الدنيا ما شافتت جديدو ولا الحزن
دقالو باب
لو شفت كيف يوم الوعد كيفنو مترامي الغمام
و القمري زغرد للبلوم و النسمة هبت مرتين
ياحليوة يوم دقيت بارضك فاس خصيب
و التانية في يوم الوعد والايد تسالم في الايدين
والام تقالد فوق جناها
فوق جناها تشمو زين
وحليوة صاحية كذا النسيم
في يوم الوعد و الدنيا غيم
وحليوة جد
جد ياولد كل البلد
قايل غناوي الحزن ليش
شايل مساديرك مجامر دمع ليش
ليش يابلد و الناس تريد
و الدنيا كل ما النيل تزيد
تملا الايدين تفرح تهش
تفرح تهش تملا الايدين
لو صحيح غنينا بالدمعة الحميمة
لو دموع الفرحة ما لاقت غنانا
بكرة نرجع تاني للكلمة الرحيمة
شان هنانا شان منانا
شان عيون اطفالنا ماتضوق ا لهزيمة
الرجوع الى أعلى الصفحة اذهب الى الأسفل
 
الطمبـــــــــارة والغنـــــاى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أسرة الدفعة 26 اقتصاد :: المنتدى العام-
انتقل الى: