منتدى أسرة الدفعة 26 اقتصاد

منتدى لطلاب وطالبات الدفعة 26 اقتصاد بمجمع النشيشيبة ، جامعة الجزيرة ، ولكل طلاب وطالبات وأصدقاء الدفعة 26
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

هي مازي المطر بتقيف ولازي البروق تطلع

يهنئ المنتدى الدفعة 30 اقتصاد بمناسبة التخريج ألف ألف مبارك


شاطر | 
 

 ربيع الدنيا

اذهب الى الأسفل 
كاتب الموضوعرسالة
ناجي الطيب
مرشح للإشراف والمراقبة
مرشح للإشراف والمراقبة
avatar


عدد المساهمات : 79
تاريخ التسجيل : 20/08/2009
العمر : 33
الموقع : أربجــــــــــــــــــــــــــــي

مُساهمةموضوع: ربيع الدنيا   الإثنين يناير 30, 2012 3:24 pm

[center]كل ربيع في الدنيا بحاكي ربيعك ...
وإنت ... ربيعك شايفو فريد .
ربيعك نافر ...
وشاهر سيفو عشان تلويعك .
وإنت ولا هماك ...
بي شوية إبيعك .
الله حسيبك ...
الله سميعك ...
بكرة يطفِّي جروحك ... وتبرا .
وترجع لي سنواتك عشْرَ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ناجي الطيب
مرشح للإشراف والمراقبة
مرشح للإشراف والمراقبة
avatar


عدد المساهمات : 79
تاريخ التسجيل : 20/08/2009
العمر : 33
الموقع : أربجــــــــــــــــــــــــــــي

مُساهمةموضوع: رد: ربيع الدنيا   الإثنين يناير 30, 2012 3:24 pm

(قوامك عالي ..سامي مداك؛...
خدودك زفة عيدية.
حرف بس من حروف إسمك...بعادل في الحروف ...مية.
وكيف إشغل قليبي سواك...ومامخلوق سواك ليّ!!.
غزل ناعم...غزل طاعم..
يخلي رضاك...يضج...زي ليلة صوفية.
غزل زيك ؛عفيف؛
لولاك... ماكان في خيالي خطر.
تجوري وتقسي إنت علي...يزيد فيني الغرام ويكبر.
يا لابسة الطهارة شروق..)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ناجي الطيب
مرشح للإشراف والمراقبة
مرشح للإشراف والمراقبة
avatar


عدد المساهمات : 79
تاريخ التسجيل : 20/08/2009
العمر : 33
الموقع : أربجــــــــــــــــــــــــــــي

مُساهمةموضوع: رد: ربيع الدنيا   الإثنين يناير 30, 2012 3:25 pm

عانَد برضــــــو ...

ضاعت من سنواتك عشْرَ ...
ولسع قلبك ...
كايس الطيبة ... وكايس العشرة ؟؟.
صبحت كل دروبك ... آهة وحسرة .
وصاحت باقي الروح الفيك منتشرة ...
ضاعت من سنواتك عشْرََ .
٭٭٭٭٭٭٭٭٭٭٭٭٭٭
مما قمت ...
سهرت ولعبت بيك الدنيا .
من شبيت ...
أصبحت متيم وكايس المنية .
رافع راسك ... وراسك ...
كل كلماتو الفيو ... منحنية .
مين أداك حق الحرية ؟؟.
وأدي أحلامك قوة بنية ... وطول في النظرة .
ضاعت من سنواتك عشرَ.
٭٭٭٭٭٭٭٭٭٭٭٭٭٭
مين الزلزل ساسك ؟ .
وغرق جوة بحور الريدة ... خيالك وراسك ؟.
كنت معاند قلبك ... وصعب مراسك .
هدت بالنظرات إحساسك ؟.
صبحت كل قبايلك ...
وأرضك ... وناسك .
صبحت عشمك في يوم بكرة ؟.
ضاعت من سنواتك عشرَ .
٭٭٭٭٭٭٭٭٭٭٭٭٭٭
كيف هداكَ سراب الوهم ... وتعبت ؟.
وكيف لي هسة ... بتجري وراه ؟.
علي الأحلام الرحلت عنك ... إنت صعبتَ .
وبرضو تشابي عشم في سماه !!.
أرحل عنو ...
خلي أنفاسك تهدا شوية ...
طلق طيفو ... وهد الفكرة .
ضاعت من سنواتك عشرَ .
٭٭٭٭٭٭٭٭٭٭٭٭٭٭
ياما كتير أصحابك نصحو ...
كل الحبو جمال القمرة ...
وغنوا ... وصدحوا .
وكل البي نيران الشوق إنجرحوا .
كل الهدوا حوجز الدنيا ... وغاصوا وسبحوا ...
كانوا بهاجروا لحدي القمرة ...
وياما أشتاقوا ... وحنوا ... وصدحوا ...
كل حصادم كان في الآخر ... تعب الهجرة .
ضاعت من سنواتك عشرَ .
٭٭٭٭٭٭٭٭٭٭٭٭٭٭
زولك أصغر منك ...
وأكبر منك ومن أحلامك .
زولك باعد عنك ...
وأقرب ليك من حرف الحب في كلامك .
شاغل بالك ونافر ... شارد ... زايد آلامك .
وصلت ليه حروفك وحبك ... وجاه سلامك .
عاند برضو ... وقال المبدأ ...
سابك هايم في أوهامك .
كل ما تقرب ... إزيد في النفرة .
ضاعت من سنواتك عشرَ .
٭٭٭٭٭٭٭٭٭٭٭٭٭٭
كل ربيع في الدنيا بحاكي ربيعك ...
وإنت ... ربيعك شايفو فريد .
ربيعك نافر ...
وشاهر سيفو عشان تلويعك .
وإنت ولا هماك ...
بي شوية إبيعك .
الله حسيبك ...
الله سميعك ...
بكرة يطفِّي جروحك ... وتبرا .
وترجع لي سنواتك عشْرَ .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ربيع الدنيا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أسرة الدفعة 26 اقتصاد :: منتدى الشعر والشعراء-
انتقل الى: